ព​ត៍​មាន​ក្រុមហ៊ុន

ក្រុមហ៊ុន។ព័ត៌មាន។

ក្រុមហ៊ុន ជេស៊ី (ខេមបូឌា) អ៊ិនធើណេសិនណល អ៊ែរឡាញបានចុះបញ្ជីពាណិជ្ជកម្មនាថ្ងៃទី៦ ខែមិថុនា ឆ្នាំ២០១៤។ ក្នុងអំឡុងឆ្នាំដដែល នាថ្ងៃទី១៤ ខែតុលា ក្រុមហ៊ុន​បាន​ទទួល​​ការ​អនុញ្ញាត​អោយសាងសង់ ហើយបានចាប់ផ្តើមប្រតិបត្តិការការហោះហើរជាផ្លូវ​ការនៅថ្ងៃទី១៧ ខែមិនា ឆ្នាំ​២០១៧។​ ក្រុមហ៊ុនមានទុនចុះបញ្ជីចំនួនហាសិបលានដុល្លារអាមេរិក និងទឹកប្រាក់វិនិយោគចំនួនមួយ​ពាន់លានដុល្លារអាមេរិក។

បច្ចុប្បន្ននេះក្រុមហ៊ុន ជេស៊ី (ខេមបូឌា) អ៊ិនធើណេសិនណល អ៊ែរឡាញ មានយន្តហោះ​ដឹក​អ្នក​ដំណើរ​ A320 ថ្មីស្រឡាងចំនួន៥គ្រឿង ​ហើយក្រុមហ៊ុនបានធ្វើការប៉ាន់​ប្រមាណ​ថានឹង​មាន​ចំនួន​យន្តហោះបន្ថែមរហូតដល់៣០គ្រឿង គិតត្រឹមឆ្នាំ២០២៥។ ក្រុមហ៊ុនបានដំណើរការជើង​ហោះ​ហើរ​ក្នុងស្រុកនិងអន្តរជាតិជាងសាមសិបកន្លែង ដែលគ្របដណ្តប់លើគោលដៅដូចជា ប្រទេស​កម្ពុជា ចិន ថៃ ឥណ្ឌូនេស៊ី ចិនតៃប៉ិ ចិនម៉ាកាវ និងប្រទេស និងតំបន់ផ្សេងៗទៀត។

ក្រុមហ៊ុន ជេស៊ី (ខេមបូឌា) អ៊ិនធើណេសិនណល អ៊ែរឡាញ បានវិនិយោគ​សាងសង់​ទីស្នាក់​ការកណ្តាលក្នុងរាជធានីភ្នំពេញ ដែលមានទីតាំងស្ថិតនៅដីឡូលេខ១៦៧៩​ មហាវិថី​សហព័ន្ធ​រុស្សី ខ័ណ្ណ​ពោធិ៍សែនជ័យ​ ដោយមានផ្ទៃដីសាងសង់សរុបប្រហែល ២៣០០០ម៉ែត្រការេ ហើយគ្រោង​នឹង​ត្រូវដាក់អោយប្រើប្រាស់នៅចុងឆ្នាំ២០១៨។ មូលដ្ឋានប្រតិបត្តិការ និងមជ្ឈមណ្ឌលហ្វឹកហ្វឺនការហោះ​ហើរ ដែលស្ថិតនៅក្បែរអាកាសយានដ្ឋានក្រុងព្រះសីហនុ បានចាប់ផ្តើមសាងសង់ក្នុងឆ្នាំ២០១៧ និង​មាន​ផ្ទៃដីសរុបប្រហែល ១១,២ហិចតា។ ការអនុវត្តផែនការវិនិយោគខាងលើរបស់ក្រុមហ៊ុន ជេស៊ី (ខេម​បូឌា) អ៊ិនធើណេសិនណល អ៊ែរឡាញ នឹងបង្កើតអោយមានឱកាសការងារ​បន្ថែមទៀតសម្រាប់​ប្រទេស​កម្ពុជា ហើយក៏នឹងបន្តលើកកម្ពស់ការអភិវឌ្ឍសេដ្ឋកិច្ច និងសង្គមកម្ពុជា។

គិតត្រឹមខែសីហាឆ្នាំ ២០១៩ ក្រុមហ៊ុនអាកាសចរណ៍ JC អ៊ែរឡាញបានប្រតិបត្តិការផ្លូវ៖

ក្រុងព្រះសីហនុ = ភ្នំពេញ ក្រុងព្រះសីហនុ = សៀមរាប ក្រុងព្រះសីហនុ = ហាងចូវ ក្រុងព្រះសីហនុ = ឆុងឈឺង ក្រុងព្រះសីហនុ = ក្វាងចូវ ក្រុងព្រះសីហនុ = សិនជិន ក្រុងព្រះសីហនុ = ណាន់នីង ក្រុងព្រះសីហនុ = ជីងជៀង
ក្រុងព្រះសីហនុ = ម៉ាកាវ(ចិន) ក្រុងព្រះសីហនុ = សៀមរាប = ស៊ីអាន ក្រុងព្រះសីហនុ = បាំងកក ក្រុងព្រះសីហនុ = វ៉ូហាន ក្រុងព្រះសីហនុ = សៀមិន ក្រុងព្រះសីហនុ = សាន់យ៉ា ភ្នំពេញ = សៀមរាប ភ្នំពេញ = បាំងកក
ភ្នំពេញ = តៃប៉ិ (ចិន) ភ្នំពេញ = ម៉ាកាវ(ចិន) ភ្នំពេញ = ឆឹងទូ ភ្នំពេញ = សៀមរាប = ហឺហ្វៃ ភ្នំពេញ = ម៉ាកាវ(ចិន) = មិនដាឡេយ៍ សៀមរាប = ឆុងឈីង សៀមរាប = ម៉ាកាវ(ចិន) សៀមរាប = ប៉ោធូវ

ក្រុមហ៊ុន ជេស៊ី (ខេម​បូឌា) អ៊ិនធើណេសិនណល អ៊ែរឡាញ នឹងបន្តពង្រីកការគ្រប​ដណ្តប់​បណ្តាញ​ហោះហើររបស់ខ្លួន កសាងកម្ពុជាអោយក្លាយជាមជ្ឈមណ្ឌលកណ្តាលក្នុងការហោះហើរជុំ​វិញ​​តំបន់អាស៊ី​ខាង​ត្បូង អាស៊ីអាគ្នេយ៍ និង​តំបន់​ផ្សេងៗទៀត។ ក្រុមហ៊ុននឹងខិតខំប្រឹងប្រែង​ផ្តល់​ជូន​នូវ​​សេវាកម្មដ៏ទូលំ​ទូលាយ និងយកចិត្តទុក​ដាក់​​ដល់​អ្នក​ដំណើរមកពីគ្រប់ប្រទេស។ ជាចុងក្រោយគឺការបង្កើតប្លង់បណ្តាញផ្លូវហោះហើរ ដែលសំរេចយកប្រទេសកម្ពុជា ធ្វើជាមជ្ឈមណ្ឌលកណ្ដាល និងសំរាប់ការហោះហើរជុំវិញអាស៊ីខាងត្បូង និងអាស៊ីអាគ្នេយ៍ ដើម្បីក្លាយជាស្ពានអាកាសរវាងកម្ពុជា ទៅកាន់គ្រប់គោលដៅទូទាំងពិភពលោក។ ក្រុមហុ៑នអាកាសចរណ៍ ជេស៊ី អ៊ែរឡាញ គឺជាកម្មវិធីវិនិយោគដ៏សំខាន់បន្ទាប់ពីទស្សកិច្ចផ្លូវការរបស់ លោក ស៊ីជីនភីង ប្រធានាធិបតី ចិន និងជាអគ្គលេខាធិការនៃគណៈកម្មាធិការមជ្ឈិមចិន ព្រមទាំងកម្មវិធីវិនិយោគរបស់ក្រុមហ៊ុនឯកជន យូណាន ជីងឆេងគ្រុប ដែលកំពុងធ្វើសមាហរណកម្មដ៏សកម្មក្នុងការផ្តួចផ្តើមអនុវត្តន៍គោលនយោបាយ "ផ្លូវមួយ និងខ្សែក្រវ៉ាត់មួយ " និងក្រុមហុ៑នអាកាសចរណ៍ ជេស៊ី អ៊ែរឡាញ ក៏ទទួលបានការវាយតម្លៃខ្ពស់ និងទទួលបានការគាំទ្រយ៉ាងពេញទំហឹងដោយរាជរដ្ឋាភិបាលកម្ពុជា។